QUE É O PIANO MEETING?

O Piano Meeting é un Festival de Piano gratuíto e para tódolos públicos que se celebra o sábado 23 de setembro en Ourense. Con 4 pianos situados en 4 espazos singulares da cidade buscamos achegar a música e a cultura ás rúas a través dun instrumento que non é habitual atopar ao aire libre, e é aí onde marcamos a diferencia. Un día, unha cidade, 4 pianos, e un mínimo de 60 pianistas e 10 horas de música ininterrompida ao alcance de todos e todas. Iso é o Piano Meeting.

PIANO MEETING OURENSE 2017

Comezamos a nosa andadura na Cidade das Burgas

Visita o noso youtube!

Segue en directo as actuacións do Festival a través da nosa canle de YouTube

4 cámaras en 4 localizacións para que non te perdas nin unha nota do Piano Meeting

Goza da música do Piano meeting

ACTIVIDADES

O Piano Meeting baséase en tres alicerces fundamentais:

CONCURSO

Convocadas 20 prazas para participar no Piano Meeting.

 

Obradoiros

Aprende a tocar o piano con nós!

 

CONCERTO FINAL

Dous pianos a oito mans, o gran peche do Piano Meeting.

 

CONCURSO

O Festival Piano Meeting quere apoiar aos novos talentos e para iso convocamos un concurso para que os e as pianistas menores de 30 anos que desexasen participar de maneira profesional no Piano Meeting se inscribisen. O Concurso estivo dirixido non só a pianistas solistas, senón tamén a agrupacións co piano como instrumento principal. Trala selección feita polo xurado e as votacións do público, 20 participantes son os elixidos e disporán de media hora reservada para tocar nun dos pianos do Festival o 23 de setembro. Os seleccionados son: Juan Daunesse, Elena Frutos, ASR Jazz Trío, Dúo Gamma, Darío Meta, Andrés Navarro, Carlos Gil, Estefanía Cereijo, Jacobo Ramos, Climacus Ensemble, Marta Aranda, Salomé Garrido, Ana María Senn, Ana Paula Domínguez, María Vázquez, Michelle Pena, Iria San Marcial, Miguel Guillermo Sáez e Cristina Bernal.

Obradoiros

Durante o sábado 23 de setembro celebraremos obradoiros impartidos por pianistas para neófitos do piano. Todo o mundo é benvido, con indiferenza de idade ou coñecementos. Queremos facer partícipe a todo o público deste magnífico instrumento ideal para a aprendizaxe musical e con esta breve clase tentaremos que o aprendiz consiga tocar unha pequena peza ao piano no momento. Ademais, incorporaremos horarios de uso libre dos pianos para aqueles amateurs que desexen tocar algunha peza a pé de rúa.

PIANO MEETING OURENSE 2017

Convertemos Ourense no maior auditorio ao aire libre. Achégate e goza deste experiencia única en Galicia.